ڕێپێوانی كوردانی تاراوگه‌ دژ به‌ سه‌ركوتگه‌رییه‌كانی كۆماری ئیسلامی

هه‌زاران شارومه‌ندی كوردی دانیشتووی ئاڵمان ڕۆژی شه‌ممه‌ ٣ی سه‌رماوه‌زی ١٤٠٣، له‌ شاره‌كانی دۆسلدۆرف و فڕانكفۆرت ڕژانه سه‌ر شه‌قام و هاوكات له‌گه‌ڵ ٢٥ی نۆڤامبه‌ر، سه‌ركوتگه‌رییه‌كانی كۆماری ئیسلامییان به‌ توندی شه‌رمه‌زار كرد.

له‌و چالاكییانه‌ كه‌ خه‌ڵكی ئازادیخوازی ئه‌نترناسیۆناڵیشی تێدا به‌شدار بوون، سه‌پاندنی سزای سێداره‌ به‌سه‌ر په‌خشان عه‌زیزی و وریشه مورادی، هه‌روه‌ها درێژكردنه‌وه‌ ماوه‌ی به‌ندكرانی زه‌ینه‌ب جه‌لالیان و شه‌ریفه محه‌ممه‌دی به‌ توندی شه‌رمه‌زار كرا و خۆپێشانده‌ران به‌ وتنه‌وه‌ی دروشم خوازیاری، هه‌ڵوه‌شاندنه‌وه‌ی سزای ئێعدام له‌ ئێران و ئازادی هه‌موو به‌ندكراوانی سیاسی بوون.