59
به‌پێی هه‌واڵی گه‌یشتوو، ڕۆژی دووشه‌ممه ١٤ی جۆزه‌ردان، هێزه ئه‌منیه‌تیه‌كانی ڕژیم له شاری سنه ڕێگه‌یان له به‌شداری چالاكوانانی ژن له مه‌راسمی ڕێزلێنان له موزه‌فه‌ر ساڵح نیا له سێ ڕێیانی شاڵمان گرتووه.
به‌پێی ئه‌و ڕاپۆرته، كاتێك مه‌راسمی ڕێزلێنان له چه‌ند ده‌یه تێكۆشانی موزه‌فه‌ر ساڵح نیا له به‌رانبه‌ر كۆمه‌ڵگه‌ی فه‌رهه‌نگیانی سنه به‌ڕێوه ده‌چوو، هێزه ئه‌منیه‌تیه‌كان ڕێگه‌یان نه‌دا چالاكوانانی ژن تاجه گوڵێنه له شوێنی به‌ڕێوه‌چوونی مه‌راسمه‌كه دابێنێن، به‌ڵام ژنان كۆڵیان نه‌دا و تاجه گوڵه‌كه‌یان له سه‌ر درگای ماڵی موزه‌فه‌ر ساڵح نیا هه‌ڵواسی و به‌و شێوه‌یه ڕێزیان له‌و چالاكه كرێكارییه خۆشناوه گرت.
