8
ڕۆژی دووشەممە ٢٧ی گەلاوێژ، ماڵدزراوانی پرۆژەی حەکیم لە شاری تاران، دژ بە گەندەڵی سیستەماتیک و دزەی مافیا بۆ نێو دەزگای قەزایی ڕژیم، لە بەردەم بینای دادگوستەری گشتی ئەو پارێزگایە کۆبوونەوە.
ناڕازیان بە وتنەوەی درووشم و بەرزکردنەوەی پلاکارد دژ بە ڕانت و ڕێکەوتنەکانی پشت پەردەی مافیا و دەزگای قەزایی ڕژیم ناڕەزایەتییان دەربڕی و ئاماژەیان بەوە کرد کە: عەلی نادری کە خزمایەتی لەگەڵ “ئایەتۆڵڵا گۆڵپایگانی” و “قالیباف” هەیە، پارە و سەرمایەی خەڵکی بردوە و ئێستا دەزگای قەزایی ڕژیم نەک تەنیا بەدوادا چوون بۆ سەر سکاڵای خەڵک ناکات، بەڵکوو پشتیوانی لە تاوانباران دەکات.
