25
جێگری ده‌رمانی وه‌زاره‌تی بێهداشت و ده‌رمانی كۆماری ئیسلامی ڕۆژی دوو شه‌ممه ٢٧ی خاكه‌لێوه ڕایگه‌یاند: نرخی ویزیتی پزیشكی گشتی بۆ ١٢٦ هه‌زار تمه‌ن و پزیشكی بسپۆڕ بۆ ١٨٩ هه‌زار تمه‌ن زیاد كراوه.
“سه‌عید كه‌ریمی” هه‌روه‌ها ڕایگه‌یاند كه نرخی ویزیتی پزیشكی بسپۆڕی ئه‌رشه‌د، ٢٤١ هه‌زار تمه‌ن و پزیشكی ده‌روونی بۆ ٢٥١ هه‌زار تمه‌ن براوه‌ته سه‌ره‌وه. ئه‌و به‌رپرسه‌ی ڕژیم زیادكردنی ڕێژه‌ی نرخی ویزیتی پزیشكانی بێ وێنه ناو برد و ڕایگه‌یاند مه‌به‌ست له‌و بڕیاره، پشتیوانی له چینی بسپۆڕ و مانه‌وه‌یان له ئێرانه. شایانی باسه كه ڕۆژی ٦ی خاكه‌لێوه، لێژنه‌ی وه‌زیرانی كۆماری ئیسلامی بڕیاری زیادكردنی ته‌عرفه‌ی خزمه‌تگوزارییه پزیشكی و ده‌رمانییه‌كانی به ڕێژه‌ی ٣٥ له سه‌د په‌سه‌ند كردبوو.
