32
ڕۆژی چوارشه‌ممه ١١ی ڕێبه‌ندانی ١٤٠٢، كه‌شاوه‌رزانی فه‌ڕانسه‌وی بۆ چه‌نده‌مین ڕۆژی به‌رده‌وام ئۆتووبانه‌كانی ده‌ورووبه‌ری پاریسیان داخست و هێزه‌كانی پۆلیس نه‌یانتوانی كۆبوونه‌وه‌كه‌یان تێك بده‌ن.
به‌پێی ڕاپۆرته‌كان، كه‌شاوه‌رزانی فه‌ڕانسه، ئیتالیا، ئاڵمان، بلژیك، ڕۆمانی، له‌هستان و هۆله‌ند له ئاست دۆخی خراپی پیشه‌یی، كه‌می حه‌قده‌ست، زیادكردنی باج، بڕینی پشكی سووته‌مه‌نی و هاورده‌كردنی به‌رهه‌می كشتووكاڵی ده‌ره‌كی ناڕازین و بڕیاریان داوه كه ئه‌گه‌ر داخوازییه‌كانیان جێبه‌جێ نه‌كرێت، به‌ره‌و شاری بڕۆكسل و پاڕله‌مانی یه‌كێتی ئورووپا به‌ڕێ بكه‌ون.
