به‌پێی ڕاپۆرتی ناوه‌ندی ئاماری ئێران، سێ له سه‌ر چواری كۆمه‌ڵگای ئێران له ژێر هێڵی هه‌ژاری دا ده‌ژین و كرێكاران له ده‌هه‌كی چوار و پێنجی داهات دا جیان گرتووه كه پشكی خۆراكیان له تێچووی ژیان ته‌نیا ٣٨ و نیو له سه‌ده.
به‌پێی توێژینه‌كانی ناوه‌ندی ئاماری ئێران، نرخی ڕاسته‌قینه‌ی سه‌به‌تی مه‌عیشه‌تی بنه‌ماڵه كرێكارییه‌كان به شێوه‌ی مامناوه‌ند، نزیكه‌ی ٣٦ ملیۆن و ٧٨٠ هه‌زار تمه‌نه كه جیاوازییه‌كی زۆری له‌گه‌ڵ حه‌قده‌ستی مانگانه‌یان هه‌یه. فه‌رامه‌رز ته‌وفێقی، چالاكی كرێكار ده‌ڵێت: لانیكه‌می حه‌قده‌ستی بنه‌ماڵه‌یه‌كی كرێكاری به منداڵێكه‌وه له ساڵی ١٤٠٣، ده ملیۆن و ٨٩٧ هه‌زار تمه‌ن بووه. ئه‌وه به واتای ئه‌وه‌یه كه حه‌قده‌ستی كرێكاران ته‌نیا ٢٩ و نیو له سه‌دی تێچووی ژیانیان دابین ده‌كات و كرێكاران له ژێر گوشارێكی زۆر دا ژیان به‌سه‌ر ئه‌به‌ن.
