گواستنه‌وه‌ی ئه‌فشین ساعدی بۆ زیندانی بۆكان

به‌یانی شه‌ممه‌ ١٠ی جۆزه‌ردان، ئه‌فشین ساعدی، شارومه‌ندی خه‌ڵكی بۆكان، به‌ مه‌به‌ستی تێپه‌ڕكردنی ماوه‌ی سێ مانگ به‌ندكرانی بۆ زیندانی ئه‌و شاره‌ ڕاگوێزرا.

شه‌وی سێشه‌ممه‌ ٤ی به‌فرانباری ١٤٠٣، ئه‌فشین ساعدی به‌ بێ به‌ڵگه‌ی قه‌زایی له‌لایه‌ن هێزه‌ ئه‌منیه‌تیه‌كانه‌وه‌ ده‌ستبه‌سه‌ر و پاش ماوه‌یه‌ك به‌ دانانی بارمته ئازاد كرا. ناوبراو له‌لایه‌ن دادگای ئینقلابی بۆكان به‌ تۆمه‌تی “ته‌بلیغ دژی نیزام” به‌ سێ مانگ زیندان مه‌حكووم و ڕۆژی شه‌ممه‌ بۆ زیندانی ئه‌و شاره‌ گوازراوه‌ته‌وه‌.