28
له ڕۆژانی ڕابردوودا، دوو هاووڵاتی خه‌ڵكی بۆكان به ناوه‌كانی “حه‌سه‌ن مه‌ردانی” و “لوقمان پیشیار” به مه‌به‌ستی تێپه‌ڕكردنی ماوه‌ی به‌ندكرانیان ده‌ستبه‌سه‌ر و ڕه‌وانه‌ی زیندانی ئه‌و شاره كران.
شه‌وی پێنجشه‌ممه ١٩ی گه‌لاوێژی ١٤٠٢، “لوقمان پیشیار” و “حه‌سه‌ن مه‌ردانی” به‌بێ به‌ڵگه‌ی قه‌زایی ده‌ستبه‌سه‌ر و بۆ لێپرسینه‌وه‌ی زیاتر ڕه‌وانه‌ی گرتووخانه‌ی ئیتلاعاتی ورمێ كران. ئه‌و دوو هاووڵاتیه ڕۆژی ١٦ی ڕه‌زبه‌ری ١٤٠٢، به‌دانانی وه‌سیقه ئازاد كران و مانگی سه‌رماوه‌زی ئه‌مساڵ له‌لایه‌ن لقی ١٠١ی دادگای ئینقلابی بۆكانه‌وه به تۆمه‌تی “هاوكاری له‌گه‌ڵ یه‌كێك له حیزبه نه‌یاره‌كانی ڕژیم”، هه‌ر یه‌كه‌و به سێ ساڵ زیندانی ته‌عزیزی مه‌حكووم كران.
