ڕۆژی چوارشه‌ممه ٥ی گوڵانی ١٤٠٣، شه‌ش هاووڵاتی خه‌ڵكی شاری پیرانشار به ناوه‌كانی “عه‌لیڕه‌زا محه‌ممه‌دی ئه‌رشه‌د”، “ئیسماعیل ته‌جه‌لا”، “هیوا مه‌حموودی”، “ئارام خالدی نه‌سه‌ب”، “محه‌ممه‌د(دیاكۆ) ئیبراهیمی” و “ئێحسان گوڵابی” به مه‌به‌ستی تێپه‌ڕكردنی ماوه‌ی به‌ندكرانیان، ده‌ستبه‌سه‌ر و ڕه‌وانه‌ی زیندانی نه‌غه‌ده كران.
ئه‌و شه‌ش هاووڵاتیه به تۆمه‌ته‌كانی “هاوكاری له‌گه‌ڵ حیزبه نه‌یاره‌كانی ڕژیم”، “ئیجماع و ته‌بانی دژبه ئه‌منیه‌تی نه‌ته‌وه‌یی” و “چالاكی ته‌بلیغی دژ به نیزام” به زیندان مه‌حكووم كراون. به‌پێی حوكمی دادگای ئینقلابی پیرانشار، “ئیسماعیل ته‌جه‌لا” به شه‌ش ساڵ و یه‌ك مانگ زیندان، “ئارام خالدی نه‌سه‌ب” و “عه‌لیڕه‌زا محه‌ممه‌دی ئه‌رشه‌د” هه‌ر یه‌كه‌و به شه‌ش ساڵ و یه‌ك مانگ زیندان، “ئێحسان گوڵابی” و “محه‌ممه‌د ئیبراهیمی” هه‌ر یه‌كه‌و به ١٤ ساڵ زیندان و “هیوا مه‌حموودی” به دوو ساڵ زیندان مه‌حكووم كراون.
