31
شه‌وی شه‌ممه ٢٥ی خاكه‌لێوه، كۆڵبه‌رێك به ناوی “مێهرداد عه‌بدۆڵڵازاده” خه‌ڵكی گوندی “مارغان”ی سه‌ر به شاری سه‌رده‌شت، به‌هۆی ته‌قه‌ی هێزه‌كانی ڕژیم بریندار و له به‌رزایی به‌ربووه خواره‌وه و گیانی له‌ده‌ست دا.
به‌پێی زانیارییه‌كان، كاتژمێر ٩ی شه‌وی شه‌ممه، هه‌نگی مه‌رزی سه‌رده‌شت له ده‌ورووبه‌ری گوندی “به‌یتووش” كۆمه‌ڵێك كۆڵبه‌ریان داوه‌ته به‌ر ده‌ستڕێژی گوله و له ئاكامی ئه‌و هێرشه‌دا، كۆڵبه‌رێكی ته‌مه‌ن ٢٠ ساڵ به ناوی “مێهرداد عه‌بدۆڵڵازاده” بریندار و به‌هۆی به‌ربوونه‌وه له به‌رزایی گیانی له‌ده‌ست داوه.
