4
ڕۆژی پێنجشه‌ممه ١٤ی خاكه‌لێوه‌ی ١٤٠٤، ئه‌رته‌شی ئیسڕائیل چه‌ند ناوچه‌ی له كه‌رتی غه‌زه به چڕی بۆردوومان كرد و به‌وهۆیه‌وه زیاتر له ١٣٠ فه‌له‌ستینی كوژرا و بریندار بوون.
به‌پێی ڕاپۆرتی ئه‌لعه‌ره‌بییه، ئه‌رته‌شی ئیسڕائیل له ڕێگه‌ی تۆپخانه و هاویشتنی مووشه‌ك چه‌ند ناوچه‌تی له كه‌رتی غه‌زه به چڕی بۆردوومان كردووه. له ئه‌نجامی ئه‌و هێرشانه‌دا، مه‌دره‌سه‌یه‌ك كه شوێنی مانه‌وه‌ی ئاواره‌كان بووه به ته‌واوی وێران كراوه و به‌وهۆیه‌وه، ٢٩ فه‌له‌ستینی كه ١٨یان ژن و منداڵ بوون گیانیان له‌ده‌ست داوه و ١٠١ كه‌سی دیكه‌ش بریندار بوون.
