10
له ڕۆژانی ڕابردوودا، ١١ كرێكار له شاره‌كانی ئه‌رده‌كان، ئیسفه‌هان، مه‌ریوان و ئێرانشه‌هر به‌هۆی نه‌بوونی ئیمه‌نی شوێنی كار تووشی ڕووداو هاتوون و شه‌ش كرێكار گیانیان له‌ده‌ست داوه و پێنج كرێكار ژاراوی و ڕه‌وانه‌ی نه‌خۆشخانه كراون.
به‌پێی ڕاپۆرته‌كان، پێنج كرێكاری شاغڵ له مه‌عده‌نی ساغه‌ندی ئه‌رده‌كان به‌هۆی وه‌رگه‌ڕانی وانت بار له جاده‌ی چادۆرمه‌لوو بۆ یه‌زد گیانیان له‌ده‌ست داوه. له شاره‌كانی ئیسفه‌هان، مه‌ریوان و ئێرانشه‌هر، شه‌ش كرێكار له‌وانه دوو ژن به‌هۆی گازگرتوویی له نێو چه‌ند ئه‌نباری فرۆشتنی پێداویستی ژاراوی و ڕاگوێزی ناوه‌نده ده‌رمانییه‌كان كراون، به‌ڵام یه‌كێكیان له نه‌خۆشخانه‌ی ئێرانشه‌هر گیانی له‌ده‌ست داوه.
