78
ڕۆژی یه‌كشه‌ممه ٢٤ی پووشپه‌ڕ، كرێكارێكی كه‌ندنی كارێز له كرمان به‌هۆی نه‌بوونی ئیمه‌نی شوێنی كار گیانی له‌ده‌ست دا و ١٢ كرێكار له شاره‌كانی فاریاب و سیرجان به‌هۆی ڕووداوی هاتووچۆ و ته‌قینه‌وه‌ی كۆگای گاز به‌سه‌ختی بریندار بوون.
به‌پێی ڕاپۆرته‌كان، كرێكارێكی كه‌ندنی كارێز له شاری كرمان به‌هۆی به‌ربوونه‌وه له به‌رزایی گیانی له‌ده‌ست داوه. له ڕووداوێكی دیكه‌دا، ٨ كرێكاری شاغڵ له مه‌عده‌نی “گونبه‌دی ئاراسته”ی فاریاب به‌هۆی وه‌رگه‌ڕانی سرویسی گواستنه‌وه‌یان بریندار و ڕه‌وانه‌ی ناوه‌نده ده‌رمانییه‌كان كراون. له‌لایه‌كی دیكه‌وه، ته‌قینه‌وه‌ی مه‌خزه‌نی گاز له كارواشێكی سیرجان بووه هۆی برینداربوونی چوار كرێكار و برینداره‌كان به مه‌به‌ستی وه‌رگرتنی چاره‌سه‌ری پزیشكی ڕه‌وانه‌ی ناوه‌نده ده‌رمانییه‌كان كراون.
