گیانله‌ده‌ستدان و برینداربوونی ٤٣ هاووڵاتی به‌هۆی هاتنی زریان له‌ تاران

ڕۆژی یه‌كشه‌ممه‌ ٧ی گوڵان، به‌هۆی هاتنی زریان و گه‌رده‌لوول له‌ شاری تاران دوو كه‌س گیانیان له‌ده‌ست دا‌ و ٤١ كه‌س بریندار بوون.

به‌ وته‌ی سه‌رۆكی ئۆرژانسی تاران، له‌ كاتی گه‌رده‌لووله‌كه‌ی ڕۆژی ڕابردوودا ژنێكی ته‌مه‌ن ٦٠ ساڵ  و منداڵێكی ته‌مه‌ن ١٥ ساڵ گیانیان له‌ده‌ست داوه‌ و ٤١ شارومه‌ند بریندار بوون. به‌پێی زانیارییه‌كان، زۆربه‌ی برینداره‌كان برینه‌كانیان سووك بووه‌ و چه‌ند كه‌س له‌ نه‌خۆشخانه به‌سته‌ری كراون.