3
له ڕۆژانی ڕابردوودا، هه‌شت كرێكار له شاره‌كانی تاران، په‌ردیس، كاشان و ئیسفه‌هان به‌هۆی نه‌بوونی ئیمه‌نی شوێنی كار تووشی ڕووداو هاتوون و به‌وهۆیه‌وه دوو كرێكار گیانیان له‌ده‌ست داوه و شه‌ش كارگه‌ری دیكه بریندار بوون.
به‌پێی زانیارییه‌كان، كرێكارێكی شاغڵ له شاره‌داری تاران له كاتی كاركردن دا تووشی ڕووداوی هاتووچۆ بووه و گیانی له‌ده‌ست داوه. له شاری په‌ردیس، دوو ئه‌ندامی ڕێكخراوی ئاگركوژێنه‌وه له كاتی دامركانه‌وه‌ی ئاگری كارگه‌یه‌كی سه‌نعه‌تی بریندار بوون. له شاری كاشان، دوو كرێكاری كه‌ندنی كارێز به‌هۆی داڕمانی زه‌وی به‌سه‌ختی بریندار و ڕه‌وانه‌ی نه‌خۆشخانه كراون. هه‌روه‌ها له ئیسفه‌هان، سێ كرێكاری جۆشكار له توونێلێك دا به‌هۆی بڵاوبوونه‌وه‌ی گاز، ژه‌هراوی بوون و یه‌كێكیان گیانی له‌ده‌ست داوه.
