28
ڕۆژی یه‌كشه‌ممه ٢ی مانگی گوڵان، بنه‌ماڵه‌ی هه‌میشه زیندوو “ئومید حه‌سه‌نی” له گیانبه‌ختكردووانی شۆڕشی ژینا له شاری سنه هاوڕێ له‌گه‌ڵ دادخوازانی ئه‌و شاره له‌سه‌ر مه‌زاری ناوبراودا كۆبوونه‌وه.
به‌پێی هه‌واڵی گه‌یشتوو، ڕۆژی ڕابردوو ساڵڕۆژی له دایكبوونی “ئومید حه‌سه‌نی” له گیانبه‌ختكردووانی شۆڕشی ژینا له شاری سنه بوو، هه‌ر به‌و بۆنه‌وه بنه‌ماڵه‌ی ئه‌و هه‌میشه زیندووه هاوڕێ له‌گه‌ڵ ژماره‌یه‌ك له بنه‌ماڵه‌ی دادخوازانی ئه‌و شاره له‌سه‌ر مه‌زاری ناوبراو و گیانبه‌ختكردووانی بزووتنه‌وه‌ی ژن،ژیان،ئازادی كۆبوونه‌وه و په‌یمانیان له‌گه‌ڵ ئاواته‌كانیان نوێ كرده‌وه.
