26
ڕۆژی چوارشه‌ممه ١٥ی خاكه‌لێوه، هاووڵاتیه‌كی خه‌ڵكی مه‌له‌كشای ئیلام به ناوی “كامران بادبرود” له‌لایه‌ن هێزه ئه‌منیه‌كانه‌وه ده‌ستبه‌سه‌ر كرا.
به‌پێی زانیارییه‌كان، ئیداره‌ی ئیتلاعاتی ئیلام “كامران بادبرود”ی به بیانووی ڕێكخستنی مه‌راسمی نه‌ورۆز و به بێ به‌ڵگه‌ی قه‌زایی ده‌ستبه‌سه‌ر كردووه. له ڕۆژانی ڕابردوو چه‌ند شارومه‌ند له شاره‌كانی سنه، دیوانده‌ره، ئیلام، كرماشان، پیرانشار، مهاباد و شنۆ به بیانووی به‌شداری كردن له مه‌راسمه‌كانی نه‌ورۆز له‌لایه‌ن ناونده ئه‌منیه‌تیه‌كانه‌وه ده‌ستبه‌سه‌ر كراون.
