39
به‌پێی ڕاپۆرتی كانوونی مافی مرۆڤی كوردستان، سێ شارومه‌ندی خه‌ڵكی گوندی “قه‌م قه‌ڵا”ی سه‌ر به شاری مهاباد به ناوه‌كانی “ئامانج ماندگار”، “مریه‌م شێخه پور” و “هه‌ڵاڵه كورده عه‌زیزی” له‌لایه‌ن چه‌كدارێكی نه‌ناسراوه‌وه كوژراون.
به‌پێی زانیارییه‌كان، له هێرشی ئه‌و چه‌كداره‌دا كۆرپه‌ڵه‌یه‌كی حه‌وت مانگه‌ش به‌سه‌ختی بریندار كراوه كه بۆ ناوه‌نده ده‌رمانیه‌كانی مهاباد گوازراوه‌ته‌وه. تا كاتی داڕشتنی ئه‌م هه‌واڵه هیچ زانیارییه‌ك له‌سه‌ر مه‌به‌ست و ناسناوی بكوژه‌كه له‌به‌رده‌ستدا نییه، به‌ڵام دادستانی مهاباد بڕیاری به‌دواداچوونی بۆ ئه‌و ڕووداوه ده‌ركردووه.
