35
“شه‌مسه‌دین فه‌رزادی پور” به‌ڕێوه‌به‌ری شیركه‌تی فڕۆكه‌وانی “ئێران ئه‌یر”، ڕۆژی پێنجشه‌ممه ٢٣ی خاكه‌لێوه ڕایگه‌یاند: ٩٩ له سه‌دی فڕۆكه‌خانه‌كانی یه‌كێتی ئورووپا له پێدانی سووته‌مه‌نی به فڕۆكه‌كانی “ئیران ئه‌یر” خۆده‌بوێرن.
به‌وته‌ی ئه‌و به‌رپرسه‌ی ڕژیم، ساڵانه ڕێكخراوی ئیكائۆ بڕێك یاسای سه‌خت بۆ ئه‌و شیركه‌تانه داده‌نێت كه ستاندارده‌كانی پاراستنی ژینگه له‌به‌رچاو ناگرن، به‌هۆی كۆن بوونی فڕۆكه‌كانی شیركه‌تی “ئیران ئه‌یر” و نۆژه‌ن نه‌كردنه‌وه‌یان، فڕۆكه‌كانی شیركه‌ت ناتوانن له فڕۆكه‌خانه‌كانی یه‌كێتی ئورووپا سووته‌مه‌نی وه‌ر بگرن. شایانی باسه كه شیركه‌تی “ئیران ئه‌یر” به‌هۆی گواستنه‌وه‌ی چه‌ك و چۆڵ بۆ گرووپه میلیشیایه‌كانی لوبنان و سووریه له‌لایه‌ن ئه‌مریكا و یه‌كێتی ئورووپاوه ته‌حریم كراوه.
