33
دادگایه‌كی وڵاتی ئارژانتین ڕۆژی هه‌ینی ٢٤ی خاكه‌لێوه ڕایگه‌یاند كه توانیویانه بیسه‌ڵمێنێن كه كۆماری ئیسلامی به هاوكاری حیزبۆڵڵای لوبنان، گه‌وره‌ترین هێرشی تیرۆریستیان كردۆته سه‌ر ناوه‌ندی یه‌هوودییه‌كان له‌و وڵاته و بوونه‌ته هۆی گیانله‌ده‌ستدانی ده‌یان كه‌س.
ئه‌و دادگایه، كۆماری ئیسلامی به ده‌وڵه‌تێكی تیرۆریستی ناو بردووه و ڕژیمی ئیسلامی ئێرانی به “جه‌نایه‌ت دژی مرۆڤایه‌تی” تۆمه‌تبار كردووه. به‌پێی بڕیاری دادگای ئارژانتین، كۆماری ئیسلامی له ساڵه‌كانی ٩٢ و ٩٤ی زاینی، هێرشی تیرۆریستی كردۆته سه‌ر سه‌فاره‌تی ئیسڕائیل و ناوه‌ندی یه‌هوودییه‌كانی ئامیا له بۆینس ئایرس. قازی په‌روه‌نده‌كه دووپاتی كردووه كه كۆماری ئیسلامی ئێران پلانی ئه‌و هێرشانه‌ی داڕشتووه و بووه‌ته هۆی گیانله‌ده‌ستدانی ٨٧ كه‌س و برینداربوونی ٣٠٠ كه‌سی دیكه.
