76
ڕۆژی شه‌ممه ٢٥ی خاكه‌لێوه، كه‌شتییه‌كی بارهه‌ڵگری پۆرته‌غاڵی له ده‌ریای عۆمان و نزیك ته‌نگه‌ی هۆرمۆز له‌لایه‌ن سپای پاسدارانه‌وه زه‌وت كرا.
ڕۆژنامه‌ی دیلی میل سه‌ره‌تا ئه‌و هه‌واڵه‌ی بڵاو كرده‌وه و دواجار ئاسۆشه‌یتد پرس هه‌واڵه‌كه‌ی پشتڕاست كرده‌وه و ڕایگه‌یاند: هێزه‌كانی سپای پاسداران له ڕێگه‌ی هێلیكۆپته‌ره‌وه ئه‌و كه‌شتیه بارهه‌ڵگره‌یان زه‌وت كردووه. پاش چه‌ند كاتژمێر ده‌وڵه‌تی ئیسڕائیل ڕاگه‌یاند كه ئه‌و كه‌شتیه سه‌ر به بازه‌رگانێكی یه‌هوودییه و وه‌زیری به‌رگری ئه‌و وڵاته‌ش هه‌ڕه‌شه‌ی له كۆماری ئیسلامی كرد و ڕایگه‌یاند كه هه‌ڵسووكه‌وته‌كانی كۆماری ئیسلامی به باشترین شێوه وڵام ئه‌ده‌نه‌وه. له هه‌واڵێكی دیكه‌دا، ئه‌مریكا له‌گه‌ڵ هه‌ڵكشانی ئاڵۆزییه‌كانی ناوچه‌كه، كه‌شتی جه‌نگی ئایزنهاوه‌ری ڕه‌وانه‌ی ده‌ریای سوور كرد.
