33
ڕۆژی دووشه‌ممه ٢٧ی خاكه‌لێوه، هێزه‌كانی سپای پاسداران به‌بێ هۆكار هێرشیان كرده سه‌ر دانیشتووانی گوندی میردووك له شارستانی ڕاسه‌ك و سێ كه‌سیان به توندووتیژییه‌وه ده‌ستبه‌سه‌ر كرد.
به‌پێی ڕاپۆرتی چالاكانی به‌لووچ، هێزه‌كانی سپای پاسداران به كاتی به‌یانی هێرشیان كردۆته سه‌ر دانیشتووانی گوندی میردووك و ڕێگه‌یان نه‌داوه خه‌ڵك له ماڵ بێته ده‌ره‌وه، ئه‌وانه‌شی كه له ده‌ره‌وه بوون، ئه‌شكه‌نجه و ئازار دراون. به‌وته‌ی سه‌رچاوه‌كانی هه‌واڵ، سێ ئه‌ندامی خێزانێك به ناوه‌كانی “نه‌زه‌رمحه‌ممه‌د، ئه‌مین و سه‌لمان ده‌هانی” ده‌ستبه‌سه‌ر و بۆ شوێنێكی نادیار گوازراونه‌ته‌وه.
