33
ڕۆژی چوارشه‌ممه ٢٢ی خاكه‌لێوه، شارومه‌ندێكی خه‌ڵكی گوندی “ئووچ ته‌په”ی سه‌ر به شاری بۆكان به ناوی “مووسا جه‌لیلیان” له‌لایه‌ن هێزه ئه‌منیه‌كانه‌وه ده‌ستبه‌سه‌ر كرا.
به‌پێی زانیارییه‌كان، “مووسا جه‌لیلیان” به‌بێ به‌ڵگه‌ی قه‌زایی و له ده‌روه‌ی ماڵ ده‌ستبه‌سه‌ر كراوه. ڕۆژی پێنجشه‌ممه ٣٠ی خاكه‌لێوه، ئیداره‌ی ئیتلاعات له په‌یوه‌ندییه‌ك ته‌له‌فوونی دا به بنه‌ماڵه‌كه‌ی ڕاگه‌یاندووه كه مووسا له گرتووخانه‌ی ئه‌و ناوه‌نده ئه‌منیه‌تیه دایه. شایانی باسه كه “مووسا جه‌لیلیان” له ده‌ستڕاگه‌یشتن به پارێزه‌ر بێبه‌ش و هێشتا هۆكاری به‌ندكرانی ڕوون نه‌كراوه‌ته‌وه.
