27
“سه‌لمان ئۆلفه‌تی” مامۆستای خانه‌نشینكراوی خه‌ڵكی گێڵان غه‌رب له پارێزگای كرماشان، له ڕۆژی چوارشه‌ممه ٥ی گوڵانی ئه‌مساڵه‌وه دژبه ناڕوونی چاره‌نووسی له گرتووخانه‌ی ئیتلاعاتی كرماشان، مانی له خواردن گرتووه.
سەرەڕای تێپەڕبوونی ١٥ ڕۆژ به‌سه‌ر كاتی دەستبەسەرکرانی” سەلمان ئۆلفەتی”، لە چالاکانی مەدەنیی ناسراو و مامۆستای خانەنشیکراوی ئامووزش و په‌روه‌رشی گێڵان غه‌رب، چاره‌نووسی له گرتووخانه‌ی ئیتلاعاتی كرماشان به ناڕوونی ماوه‌ته‌وه. ئه‌و چالاكه سنفیه ته‌مه‌ن ٦٠ ساڵه كاتژمێر ٧ی به‌یانی ڕۆژی هه‌ینی ٢٤ی خاكه‌لێوه‌ی ئه‌مساڵ له‌لایه‌ن هێزه ئه‌منیه‌كانه‌وه ده‌ستبه‌سه‌ر و ده‌ست به‌سه‌ر كه‌لووپه‌له شه‌خسیه‌كانی دا گیرا.
