26
ڕۆژی شه‌ممه ٨ی گوڵانی ١٤٠٣، “ئه‌مجه‌د ئه‌مینی” باوكی نه‌مر “ژینا ئه‌مینی” له په‌یامێكدا وێڕای حیمایه‌ت له “تووماج ساڵحی” ڕایگه‌یاند: تووماج له‌سێداره مه‌ده‌ن، خه‌ڵكی ئێران و جیهان هێشتا مه‌رگی مهساكانیان له بیر نه‌كردووه.
“ئه‌مجه‌د ئه‌مینی” له په‌یامه‌كه‌ی دا وتی: بڵاوبوونه‌وه‌ی هه‌واڵی سه‌پاندنی سزای ئێعدام به‌سه‌ر تووماج دڵی هه‌موو خه‌ڵكی ئێرانی له‌رزاند، تووماج گه‌نجێكی خۆشه‌ویستی جه‌ماوه‌ره و گه‌لێك پشتیوانی لێ ده‌كا و له دڵی گه‌وره و بچووك دایه. تووماج له‌سێداره مه‌ده‌ن و برینه‌كان مه‌كولێننه‌وه. گه‌لانی ئێران و جیهان هێشتا مه‌رگی مهسا و مه‌هساكانیان له بیر نه‌كردووه.
