24
ڕۆژی سێشه‌ممه ١١ی گوڵان، كرێكارانی شاغڵ له سه‌نعه‌تی هۆتێلداری ئه‌مریكا هاوكات له‌گه‌ڵ ڕۆژی جیهانی كرێكار له ١٨ شاری ئه‌و وڵاته خۆپێشاندانیان كرد.
به‌پێی ڕاپۆرته‌كان، هه‌زاران كرێكاری شاغڵ له سه‌نعه‌تی هۆتێلداری ئه‌مریكا كه ئه‌ندامی ڕێكخراوه كرێكارییه‌كانی ئه‌و وڵاته‌ن، له چالاكییه‌كی هه‌ماهه‌نگ دا له ١٨ شاری ئه‌مریكا خۆپێشاندانیان كردووه. كرێكارانی ناڕازی ده‌ڵێن: پێش كۆڕۆنا به‌ڵینیان دا حه‌قده‌سته‌كانیان زیاد بكرێت، به‌ڵام خاوه‌نكاران به‌ڵێنه‌كانیان جێبه‌جێ نه‌كردووه و ئێستا كه پاندمی كۆڕۆنا ته‌واو بووه خوازیاری نوێ كردنه‌وه‌ی قه‌رارداد و زیادكردنی حه‌قده‌ستن.
