به‌پێی ڕاپۆرتی كۆڵبه‌رنیووز، دوو كۆڵبه‌ر به ناوه‌كانی “جه‌لال سوهرابی” و هێمن ئه‌حمه‌دی” به ته‌قه‌ی جه‌نایه‌تكارانی كۆماری ئیسلامی له سنووره‌كانی بانه و سه‌قز گیانیان به‌خت كردووه.
ڕۆژی پێنجشه‌ممه ١٣ی گوڵان، هێزه‌كانی كۆماری ئیسلامی له سنووری “سوور‌كێو”ی بانه كۆمه‌ڵێك كۆڵبه‌ریان داوه‌ته به‌ر ده‌ستڕێژی گوڵه و له ئه‌نجامی ئه‌و هێرشه‌دا، كۆڵبه‌رێكی خه‌ڵكی گوندی “تاژان”ی سه‌ر به شاری بانه به ناوی “جه‌لال سوهرابی” خێزاندار و ته‌مه‌ن ٤٠ ساڵ گیانی له ده‌ست دا. هه‌روه‌ها شه‌وی چوارشه‌ممه ١٢ی گوڵان، له سنووری باسامی سه‌قز هێزه‌كانی ڕژیم له مه‌ودایه‌كی نزیكه‌وه ته‌قه‌یان له كۆڵبه‌ران كردووه و له ئاكامی ئه‌و ته‌قه‌كردنه‌دا، كۆڵبه‌رێكی خه‌ڵكی گوندی “كارێزه”ی سه‌ر به شاری سه‌قز به ناوی “هێمن ئه‌حمه‌دی” ته‌مه‌ن ٤٥ ساڵ به فیشه‌كی كڵاشینكۆف گیانی به‌خت كردووه.
