28
ڕۆژی هه‌ینی ١٤ی گوڵانی ١٤٠٣، دوو كۆڵبه‌ر به ناوه‌كانی “شه‌هرام سه‌بزه‌واری” خه‌ڵكی شارۆچكه‌ی شاهۆی سه‌ر به شارستانی ڕوانسه‌ر و “ئاریان(پاشناو نادیار)” له‌لایه‌ن هێزه‌كانی ڕژیمه‌وه له سنووره‌كانی نه‌وسوود و سه‌رده‌شت بریندار كران.
به‌پێی ڕاپۆرتی كۆڵبه‌رنیووز، ڕۆژی هه‌ینی كۆڵبه‌رێكی خه‌ڵكی ڕوانسه‌ر به ناوی “شه‌هرام سه‌بزه‌واری” له‌لایه‌ن هه‌نگی مه‌رزی نه‌وسووده‌وه ده‌ستبه‌سه‌ر و ئه‌شكه‌نجه كرا. ئه‌و كۆڵبه‌ره لاوه سه‌ر و لووتی شكاوه و بۆ ناوه‌نده ده‌رمانییه‌كان گوازراوه‌ته‌وه. له‌لایه‌كی دیكه‌وه، كۆڵبه‌رێكی مێرمنداڵ به ناوی “ئاریان” له سنووری سه‌رده‌شت به فیشه‌كی ساچمه‌یی سه‌ركوتگه‌رانی خامنه‌یی هه‌ر دوو چاوی به‌سه‌ختی بریندار و ئه‌گه‌ری له‌ده‌ستدانی بینایی هه‌یه.
