58
به‌پێی ڕاپۆرتی كۆڵبه‌رنیووز، ڕۆژی سێشه‌ممه ٢٥ی گوڵان، هێزه‌كانی هه‌نگی مه‌رزی بانه ئۆتۆمبێلی كاسبكارێكیان به ناوی “مۆعین ته‌وفێق پور” داوه‌ته به‌ر ده‌ستڕێژی گوله و ناوبراویان كوشتووه.
به‌پێی ئه‌و ڕاپۆرته، هێزه‌كانی هه‌نگی مه‌رزی ڕژیم له سنووری چۆمان ڕاسته‌وخۆ ته‌قه‌یان له ئۆتۆمبێلی كاسبكارێك به ناوی “مۆعین ته‌وفێق پور”، ته‌مه‌ن ٢٤ ساڵ و خه‌ڵكی ئه‌و ناوچه‌یه كردووه، له حاڵێكدا هیچ بارێكی قاچاخی پێ نه‌بووه. له ئاكامی هێرشی هێزه‌كانی ڕژیم، ئه‌و كاسبكاره ده‌ستبه‌جێ گیانی له ده‌ست داوه.
