48
ڕۆژی چوارشه‌ممه ٢ی جۆزه‌ردان، “ڕه‌زا ڕه‌سایی” به‌ندكراوی مه‌حكووم به ئێعدام له په‌یامێكدا ڕایگه‌یاند كه بێ تاوانه و چاوه‌ڕێی حیمایه‌تی خه‌ڵكی ئێرانه تاكوو ڕێگه له ئێعدام كردنی بگرن.
له‌و فایله ده‌نگییه‌دا یه‌كێك له ئه‌ندامانی بنه‌ماڵه‌ی “ڕه‌زا ڕه‌سایی” په‌یامه‌كه‌ی به چاوی پڕ له فرمێسكه‌وه ده‌خوێنێته‌وه و داوا له خه‌ڵكی ئێران و كوردستان ده‌كات بچن به هانایانه‌وه. به‌وته‌ی ڕه‌زا ڕه‌سایی كۆمه‌ڵێك به‌ڵگه‌ی سه‌لمێنه‌ر هه‌ن كه نیشانی ده‌ده‌ن ناوبراو بێ تاوانه، به‌ڵام ده‌زگای قه‌زایی بایه‌خی پێ نادات. ئه‌و به‌ندكراوه داوا له بنه‌ماڵه‌كه‌ی ده‌كات به‌ڵگه‌كان پیشانی خه‌ڵك بده‌ن تا تێ بگه‌ن كه هیچ تاوانێكی ئه‌نجام نه‌داوه و ڕێگه له ئێعدام كردنی بگرن.
