ڕۆژی هه‌ینی ٤ی جۆزه‌ردانی ١٤٠٣، هێزه‌كانی ئیتلاعاتی سپای پاسداران هێرشیان كرده سه‌ر ماڵی شارومه‌ندێك له شاری هه‌نگوویه‌ی سه‌ر به پارێزگای هۆرمۆزگان و سێ كه‌س له ئه‌ندامانی بنه‌ماڵه‌كه‌یان به توندووتیژییه‌وه ده‌ستبه‌سه‌ر كرد.
به‌پێی زانیارییه‌كان، ئه‌و خێزانه له بنه‌ماڵه خۆشناوه‌كانی شارستانی هه‌نگوویه‌ن و به بێ هۆكار له‌لایه‌ن ئیتلاعاتی سپای پاسدارانه‌وه به تووندووتیژی و لێدانه‌وه ڕفێندراون. ناسناوی ئه‌و سێ كه‌سه بریتیه له: “عه‌بدۆلجه‌بار خه‌ییێر”، “یاسر خه‌ییێر” و باوكیان.