68
ڕۆژی دووشه‌ممه ١٤ی جۆزه‌ردان، ئه‌رته‌شی توركیا له ڕێگه‌ی په‌هباده‌وه هێرشی كرده سه‌ر ئۆتۆمبێلێك له ده‌ورووبه‌ری گۆڕستانی كۆبانی و دوو شه‌رڤان به‌سه‌ختی بریندار بوون.
به‌وته‌ی به‌رپرسانی خۆبه‌ڕێوه‌به‌ری ڕۆژئاوای كوردستان، له كاتی ناشتنی ته‌رمی چه‌ند هه‌ڤاڵیان له گۆڕستانی كۆبانی و له حاڵێكدا خه‌ڵكانێكی زۆر به‌شداری مه‌راسمی پرسه‌ی ئه‌و گیانبه‌ختكردووانه بوون، ئه‌رته‌شی توركیا له ڕێگه‌ی په‌هباده‌وه هێرشی كرده سه‌ر ئۆتۆمبێلێك و به‌وهۆیه‌وه دوو شه‌رڤان به‌سه‌ختی بریندار بوون. شایانی باسه كه له ماوه‌ی یه‌ك حه‌فته‌ی ڕابردوودا، ٧ كه‌س له هێرشه‌كانی ده‌وڵه‌تی توركیا بۆ سه‌ر باكوور و باكووری ڕۆژهه‌ڵاتی سووریا گیانیان له‌ده‌ست داوه.
