ماڵئاوایی له‌ ژیانی باوكی پێشمه‌رگه‌یه‌كی گیانبه‌ختكردووی كۆمه‌ڵه‌ له‌ ته‌نگیسه‌ر

به‌پێی هه‌واڵی گه‌یشتوو، ڕۆژی سێشه‌ممه‌ ١٥ی جۆزه‌ردان، كاك “حه‌كیم مه‌جیدی” باوكی پێشمه‌رگه‌یه‌كی گیانبه‌ختكردووی ڕیزه‌كانی كۆمه‌ڵه‌ به‌ ناوی “ته‌یێب مه‌جیدی”، له‌ ته‌مه‌نی ٩٦ ساڵی دا ماڵئاوایی له‌ ژیان كرد.

كاك “حه‌كیم مه‌جیدی” كه‌سایه‌تییه‌كی خۆشناوی ناوچه‌ی ژاوه‌رۆ و ئاوایی ته‌نگیسه‌ر بوو و ڕۆژی ڕابردوو مه‌راسمی پرسه‌ و سه‌ره‌خۆشییه‌كه‌ی، به‌ به‌شداری به‌رینی خه‌ڵك به‌ڕێوه‌ چوو. یادی ئازیزی كاك مه‌جید و ڕۆڵه‌ فیداكاره‌كه‌ی و هه‌موو گیانبه‌ختكردووانی ڕێگای ئازادی و به‌رابه‌ری به‌رز و به‌ڕێز بێت. له‌لایه‌ن كۆمه‌ڵه‌ و حیزبی كۆمۆنیستی ئێرانه‌وه‌ سه‌ره‌خۆشی خۆمان ئاراسته‌ی بنه‌ماڵه‌ و خه‌ڵكی شۆڕشگێڕی ناوچه‌ی ژاوه‌رۆ ده‌كه‌ین و خۆمان به‌ شه‌ریكی خه‌میان ده‌زانین.