37
ڕۆژی چوارشه‌ممه ١٦ی جۆزه‌ردان، بزووتنه‌وه‌ی ژنانی دادخوازی ئه‌فغانستان له كۆبوونه‌وه‌یه‌كدا خوازیاری بایكۆتكردنی دانووستانه‌كانی ده‌وحه‌ی قه‌ته‌ر كه له نێوان حكوومه‌تی تالیبان و وڵاتانی پشتیوانی تیرۆریسم به‌ڕێوه ده‌چێت بوون.
ژنانی ئه‌ندام له بزووتنه‌وه‌ی ژنانی دادخوازی ئه‌فغانستان له كۆبوونه‌وه‌كه‌یاندا وێڕای ده‌ربڕینی ناڕه‌زایه‌تی له ئاست سه‌ركوتی وه‌حشیانه‌ی ژنان له‌و وڵاته و بێبه‌ری كردنی كچان له خوێندن، ڕایانگه‌یاند: تالیبان و ئه‌و وڵاتانه‌ی پشتیوانی له تیرۆریسم ده‌كه‌ن نوێنه‌ری خه‌ڵكی ئه‌فغانستان نین و دانووستانه‌كانیان هیچ پێوه‌ندییه‌كی به خه‌ڵكی ئازادیخوازی ئه‌و وڵاته‌وه نییه. به‌وته‌ی ژنانی ناڕازی، ئه‌و وڵاتانه‌ی شه‌رعیه‌ت به ده‌سه‌ڵاتی تالیبان ئه‌ده‌ن، بكۆژی خه‌ڵكی ئه‌فغانستان و دۆژمنی ئازادی و مافی ژنان.
