به‌پێی ڕاپۆرته‌كان، كۆتاییه‌كانی مانگی جۆزه‌ردانی ئه‌مساڵ، ماوه‌ی گرێبه‌ستی كرێكارانی په‌یمانكاری شاغڵ له پترۆشیمی ئه‌رغه‌وانی ئیلام به‌سه‌ر ئه‌چێت و كرێكاران نیگه‌رانی نوێ نه‌كردنه‌وه‌ی قه‌راردادكان و بێكار بوونن.
كرێكارانی شاغڵ له به‌شه جۆراوجۆره ساختمانییه‌كانی پترۆشیمی ئه‌رغه‌وانی ئیلام خه‌ڵكی بوومی ناوچه‌كه‌ن و نیگه‌رانی ئه‌وه‌ن كه ئه‌گه‌ر كاروباری سازكردنی ئه‌و ناونده سه‌نعه‌تیه كۆتایی پێ بێت، گرێبه‌سته‌كانیان نوێ نه‌كه‌نه‌وه و بێكار بن. به وته‌ی كرێكاران، خاوه‌نكار ده‌توانێت كرێكاران له به‌شه‌كانی دیكه‌ی پترۆشیمی دابمه‌زرێنێت و ڕێگه له بێكاربوونی كرێكارانی خێزانداری ئه‌و ناوه‌نده به پێنج بۆ ده ساڵ پێشینه‌ی كارییه‌وه بگرێت.