15
ڕۆژی یه‌كشه‌ممه ٢٧ی جۆزه‌ردان، خانه‌نشینكراوانی ته‌ئمیین ئیجتیماعی له كرماشان و چه‌ند شاری ئێران دژبه دۆخی خراپی پیشه‌یی و مه‌عیشه‌تی كۆبوونه‌وه.
خانه‌نشینكراوانی ته‌ئمیین ئیجتیماعی به پێی ڕه‌واڵی یه‌كشه‌ممه‌ی هه‌ر حه‌فته له شاره‌كانی كرماشان، تاران، شووش و ئه‌هواز له ناڕه‌زایه‌تی به بایه‌خ نه‌دانی به‌رپرسانی ڕژیم به كێشه و گرفته‌كانیان كۆبوونه‌وه. خانه‌نشینكراوان خوازیاری چوونه‌سه‌ره‌وه‌ی ئاستی حه‌قده‌ست و مه‌زایا، به‌كرده‌وه‌ده‌رهاتنی گه‌ڵاڵه‌ی هاوسانسازی، دابینكردنی بیمه‌ی ده‌رمانی و چاكسازی له بواری ژیان و مه‌عیشه‌تیان بوون.
