46
ڕۆژی شه‌ممه ١٩ی جۆزه‌ردان، شارومه‌ندێكی خه‌ڵكی مه‌ریوان به ناوی “حه‌یده‌ر فه‌تاحی” له‌لایه‌ن هێزه لیباس شه‌خسییه‌كانی ڕژیمه‌وه ده‌ستبه‌سه‌ر و بۆ گرتووخانه‌ی ئیتلاعاتی ئه‌و شاره گوازرایه‌وه.
به‌پێی ڕاپۆرتی كۆڵبه‌رنیووز، هێزه‌كانی حكوومه‌ت ڕۆژی شه‌ممه هێرشیان كردووه‌ته سه‌ر ماڵی “حه‌یده‌ر فه‌تاحی” له سێ ڕێیانی نێ و پاش پشكنینی ماڵه‌كه، ناوبراویان به توندووتیژییه‌وه ده‌ستبه‌سه‌ر كردووه. به‌وته‌ی سه‌رچاوه‌كانی هه‌واڵ، ئه‌و شاره‌مه‌نده به هاوكاری له‌گه‌ڵ حیزبه نه‌یاره‌كانی ڕژیم تۆمه‌تبار كراوه. ناوبراو له ناڕه‌زایه‌تی به ناڕوونی چاره‌نووسی و سه‌پاندنی تۆمه‌تی ناڕه‌وا به‌سه‌ری دا ده‌ستی داوه‌ته مانگرتن له خواردن و دۆخی ته‌ندرووستی ناجێگیره.
