30
ڕۆژی چوارشه‌ممه ٢٧ی پووشپه‌ڕ، تیمی کوردستانی عێراقی رێکخراوی CPTی ئەمریکی ڕاپۆرتێكی له‌سه‌ر هێرشه‌كانی ده‌وڵه‌تی توركیا له نێوان ١٥ی جۆزه‌ردانی ئه‌مساڵ تاكوو ١٥ی پووشپه‌ڕی بۆ سه‌ر چه‌ند ناوچه‌ی پارێزگاكانی دهۆك و هه‌ولێر بڵاو كرده‌وه.
به پێی ئه‌و ڕاپۆرته، ده‌وڵه‌تی تورکیا 381 هێرش و بۆردومانی ئەنجامداوە و به‌هۆیه‌وه ٩ گوند به ته‌واوه‌تی چۆڵ كراون و ١٨٤ خێزان ئاواره بوون. هه‌روه‌ها زیاتر له 68 هەزار دۆنم زەوی کشتوکاڵی و دارستان سوتاون. یه‌ك کەنیسە، یه‌ك کارگەی وه‌به‌رهێنان، یه‌ك ئۆتۆمبێل، دوو سەرچاوەی ئاو و ١٩ خانووی هاووڵاتیانی مەدەنی بۆردوومان و وێران كراون. له ئه‌نجامی ئه‌و بۆردوومانانه‌دا، هاووڵاتیه‌كی مه‌ده‌نی بریندار بووه و كاره‌با و هێڵی ته‌له‌فوون و ئینته‌رنێتی چه‌ندین گوند له كار كه‌وتووه.
