62
ڕۆژی شه‌ممه ٣٠ی پووشپه‌ڕ، ئێرانیانی ئازادیخواز له وڵاتی ئاڵمان په‌یوه‌ست به كه‌مپه‌ینی به‌رگری له شه‌ریفه محه‌ممه‌دی، چالاكی كرێكاری مه‌حكووم به ئێعدام بوون.
به‌پێی ئه‌و وێنه و ویدیۆیانه‌ی كه به ده‌ستمان گه‌یشتووه، ئێرانیانی ئازادیخواز له شاره‌كانی شتووتگارت، كۆڵن، به‌ڕلین و هانووفێر له چه‌ند چالاكی جیاجیادا به به‌ده‌سته‌وه‌گرتنی وێنه‌ی شه‌ریفه محه‌ممه‌دی و به‌ندكراوانی دیكه‌ی مه‌حكووم به ئێعدام، خوازیاری هه‌ڵوه‌شانده‌وه‌ی سزای ئێعدام له ئێران و ئازادی هه‌موو به‌ندكراوانی سیاسی و مه‌ده‌نی بوون. به‌شداربوونی ئه‌و كارزاره دژ به به‌رپرسانی قه‌زایی و ئه‌منیه‌تی كۆماری ئیسلامی دروشمیان به‌رز كرده‌وه و خوازیاری كاردانه‌وه‌ی جیددی كۆمه‌ڵگای جیهانی به‌رامبه‌ر به پێشێلكارییه‌كانی ڕژیم له بواری مافی مرۆڤ بوون.
