34
“ئیسماعیل كه‌ریمی” ژینگه‌پارێزی خه‌ڵكی كامیاران كه له كاتی دامركانه‌وه‌ی ئاگری دارستانه‌كانی گوندی كانێشه به‌سه‌ختی بریندار ببوو، ڕۆژی چوارشه‌ممه ٣ی گه‌لاوێژ، به‌هۆی سه‌ختی برینه‌كانی له نه‌خۆشخانه‌یێكی تاران گیانی له‌ده‌ست دا.
“ئیسماعیل كه‌ریمی” ڕۆژی دووشه‌ممه ١ی گه‌لاوێژ، له كاتی كوژانه‌وه‌ی ئاگری مێرگ و دارستانه‌كانی گوندی كانێشه‌ی كامیاران جه‌سته‌ی به‌سه‌ختی سووتا و سه‌ره‌تا ڕه‌وانه‌ی نه‌خۆشخانه‌ی كه‌وسه‌ری سنه كرا. ئه‌و چالاكه ژینگه‌ییه به‌هۆی قورسی برینه‌كانی بۆ نه‌خۆشخانه‌یێكی تاران گوازرایه‌وه، به‌ڵام ڕۆژی چوارشه‌ممه ٣ی گه‌لاوێژ، به هۆی قورسی برینه‌كانی گیانی له‌ده‌ست داوه.
