برینداربوونی ٢٠ كرێكاری وه‌رزی له‌ میاندووئاو

به‌یانی شه‌ممه‌ ١٣ی گه‌لاوێژ، به‌هۆی پێكدادانی نێوان مینی بووسێك و وانت بارێكی نه‌یسان له‌ شاری میاندووئاو، ٢٠ كرێكاری وه‌رزی به‌سه‌ختی بریندار بوون.

به‌پێی زانیارییه‌كان، سرویسی گواستنه‌وه‌ی كرێكارانی وه‌رزی له‌ كاتی ڕۆیشتن بۆ سه‌ر كار له‌ نزیك جاده‌ی سه‌رچه‌م تووشی ڕووداوی هاتووچۆ بووه‌ و له‌ ئه‌نجامی ئه‌و ڕووداودا، ٢٠ كرێكار به‌سه‌ختی بریندار بوون كه‌ دۆخی ته‌ندرووستی سێ كه‌سیان ناجێگیره‌.