37
سه‌ره‌تای مانگی ئاگووستی ٢٠٢٤، گه‌ڵاڵه‌ی كه‌مكردنه‌وه‌ی ته‌مه‌نی هاوسه‌رگیری كچان ڕاده‌ستی پاڕله‌مانی عێراق كرا و ئه‌گه‌ری په‌سه‌ندكردنی ئه‌و لایه‌حه‌یه، بووه هۆی ناڕه‌زایه‌تی ژنانی ئه‌و وڵاته.
به‌پێی ئه‌و لایه‌حه‌یه، هاوسه‌رگیری كچانی ته‌مه‌ن ٩ ساڵ له عێراق یاسایی ده‌بێت به‌بێ ئه‌وه‌ی ژیانی كچانی و ژنانی ئه‌و وڵاته له‌به‌رچاو بگیرێت و كایگه‌رییه‌كانی ئه‌و بڕیاره له‌سه‌ر كۆمه‌ڵگا تاوتوێ بكرێت. بڵاوبوونه‌وه‌ی ئه‌و هه‌واڵه ناڕه‌زایه‌تی ژنانی عێراقی به‌دوای خۆیدا هێناوه و ماوه‌ی دوو ڕۆژه، كۆمه‌ڵێك له ژنانی عێراقی هاوڕێ له‌گه‌ڵ چالاكانی سیاسی له مه‌یدانی ته‌حریر كۆده‌بنه‌وه و داوای هه‌ڵوه‌شانده‌وه‌ی ئه‌و گه‌ڵاڵه ده‌كه‌ن.
