هێرشی گاردی ئه‌منیه‌تی زیندانی نه‌غه‌ده‌ بۆ سه‌ر به‌ندكراوان

به‌یانی چوارشه‌ممه‌ ٢٤ی گه‌لاوێژ، گاردی ئه‌منیه‌تی زیندانی نه‌غه‌ده‌ هێرشی كرده‌ سه‌ر به‌ندكراوان و كه‌لووپه‌له‌كانیانی تێك دا.

به‌پێی ڕاپۆرتی كانوونی مافی مرۆڤی كوردستان، فه‌رمانده‌ی گاردی ئه‌منیه‌تی زیندانی نه‌غه‌ده‌ به‌ ناوی “سه‌جاد موحه‌ڕه‌می” به‌ شێوه‌یه‌كی وه‌حشیانه هێرشی كردووه‌ته‌ سه‌ر به‌ندكراوان و وێڕای ئه‌شكه‌نجه و ئازاری به‌ندكراوان، كه‌لووپه‌له‌كانیانی تێك داوه‌. حه‌فته‌ی پێشووش مه‌ئموورانی زیندانی نه‌غده‌ هێرشیان كردبووه‌ سه‌ر به‌ندكراوان و چه‌ند به‌ندكراویان بریندار كردبوو.