64
ڕۆژی هه‌ینی ٢ی خه‌رمانان، كرێكارانی شاغڵ له ده‌كه‌ڵه حه‌فارییه‌كانی جنووبی ئێران له ئاست دۆخی خراپی پیشه‌یی و مه‌عیشه‌تی ناڕه‌زایه‌تیان ده‌ربڕی.
به‌پێی ڕاپۆرتی شۆرای ڕێكخستنی ناڕه‌زایه‌تی كرێكارانی سنه‌عه‌تی نه‌وت، به‌ڕێوه‌به‌رانی شیركه‌ته نه‌وتیه‌كان سێ ملیۆن له ڕێژه‌ی حه‌قده‌ست و مه‌زایای كرێكارانی شاغڵ له ده‌كه‌ڵه نه‌وتییه‌كانیان كه‌م كردووه و ئه‌و كرده‌وه ناڕه‌زایه‌تی به‌رینی كرێكارانی لێكه‌وتووه‌ته‌وه. به وته‌ی كرێكاران، چه‌ند جار له ئاست دۆخی خراپی مه‌عیشه‌تی ناڕه‌زایه‌تیان ده‌ربڕیوه به‌ڵام به‌ڕێوه‌به‌رانی شیركه‌ت وتوویانه كه به‌ڕیاره‌كه له‌لایه‌ن وه‌زاره‌تی نه‌وته‌وه ده‌رچووه و ئه‌وان به‌رێوه‌به‌ری بڕیاره‌كانی ده‌وڵه‌تن.
