كۆبوونه‌وه‌ی ژنانی سلێمانی دژبه‌ ده‌وڵه‌تی داگیركه‌ری توركیا

ڕۆژی دووشه‌ممه‌ ٥ی خه‌رمانان، كۆمه‌ڵێك له‌ ژنانی تێكۆشه‌ری سلێمانی دژبه‌ ترۆركردنی دوو ڕۆژنامه‌وانی ژن له‌لایه‌ن توركیاوه‌ خۆپێشاندانیان كرد.

ئه‌و كۆبوونه‌وه‌ له‌لایه‌ن كۆمیته‌ی به‌رگری له‌ ڕۆژنامه‌وانان ڕێكخراوه‌ و ده‌یان ژن تێدا به‌شداریان كردووه‌. ئاماده‌بووانی ئه‌و چالاكییه‌ به‌ به‌ده‌سته‌وه‌گرتنی وێنه‌ی گوڵستان تارا و هێرۆ به‌هائه‌دین، هێرشه‌كانی ده‌وڵه‌تی فاشیستی توركیایان بۆ سه‌ر هه‌رێمی كوردستان و تیرۆری چالاكانی سیاسی و مه‌ده‌نی له‌لایه‌ن ئه‌و ڕژیمه‌یان به‌ توندی شه‌رمه‌زار كرد. ژنانی تێكۆشه‌ری سلێمانی داوایان له‌ ده‌وڵه‌تی عێراق و كۆمه‌ڵگای جیهانی كرد له‌ ئاست پێشێلكارییه‌كانی توركیا بێده‌نگ نه‌بن.