32
كرێكارانی ئه‌ركان سالس و په‌یمانی نه‌وت، شاغڵ له پاڵاوگه‌كانی حه‌وته‌م، هه‌شته‌م، نۆهه‌م، ده‌هه‌م، یازده‌هه‌م و دوازده‌هه‌می پارس جنووبی بۆ جارێكی دیكه له ناڕه‌زایه‌تی به جێبه‌جێ نه‌كردنی داخوازییه‌كانیان كۆبوونه‌وه.
كرێكارانی ئه‌ركان سالس و په‌یمانی نه‌وت خوازیاری زیادكردنی حه‌قده‌ست، پێدانی مه‌زایا دواخراوه‌كان، به‌ڕێوه‌چوونی یاسای ١٤ ڕۆژ كار- ١٤ ڕۆژ پشوودان، ته‌زمینی ئه‌منیه‌تی پیشه‌ی، به‌كرده‌وه‌ده‌رهاتنی گه‌ڵاڵه‌ی ڕیزبه‌ندی پیشه‌كان، وه‌لانانی جیاوازی و حه‌زفی په‌یمانكار، دابینكردنی ئیمكاناتی ڕیفاهی و كۆتایی هێنان به ده‌ستێوه‌ردانه‌كانی ده‌وڵه‌ت له سندووقی خانه‌نشینی كرێكارانی سه‌نعه‌تی نه‌وت بوون.
