كۆمه‌ڵێك له كرێكارانی مه‌عده‌نی ئاق ده‌ڕه‌ی تیكاب ڕۆژی دووشه‌ممه ٢ی ڕه‌زبه‌ر، په‌یامێكی هاوخه‌می خۆیان ئاراسته‌ی بنه‌ماڵه‌ی كرێكارانی گیانبه‌ختكردووی مه‌عده‌نی ته‌به‌س كرد و حكوومه‌تی سه‌رمایه‌داری ئیسلامیان له ئاست ئه‌و ڕووداوه دڵته‌زێنه به‌رپرسیار زانی.
له‌و په‌یامه‌دا هاتووه: له ڕۆژئاوای وڵات و له نزیك كانگای زێڕی تیكاب كه به ده‌ست ڕه‌نجی ئیمه بوژاوه‌ته‌وه و داهاته‌كه‌ی سه‌رمایه‌دار ده‌یبات، سڵاو و ڕێز ده‌نێرین بۆ هاوكاره‌كانمان له مه‌عده‌نی به‌ردی خه‌ڵۆزی ته‌به‌س كه گیانی شیرینیان له قوڵایی زه‌ویه‌وه به‌جێ هێشت و چاویان به ڕووناكی هه‌تاو نه‌كه‌وت. سه‌ڕی ڕێز و نه‌وازشیان بۆ داده‌نێین و به خیزانه‌كانیان ده‌ڵێین: ئێمه هاوده‌ردین و جه‌سته‌ی له‌رزۆكمان هه‌موو ڕۆژێك به زه‌ربه‌ی شه‌لاقی نائه‌منی پیشه‌یی، چه‌وسانه‌وه و ئازاری به‌رده‌وام له ژێر داروپه‌ردوودا ده‌مێنێته‌وه و ده‌نگمان به هیچ شوێنێك ناگات.به‌ڵام بۆ هاوخه‌می و هاوپشتی هه‌موو قوربانیانی ئه‌م ده‌سه‌ڵاته ده‌بێ ئه‌م بێده‌نگییه بشكێنێ.
