ناڕوونی چاره‌نووسی خه‌بات ئیراندووست له‌ گرتووخانه‌ی ئیتلاعاتی بۆكان

خه‌بات ئیراندووست شارومه‌ندی خه‌ڵكی بۆكان، ماوه‌ی ١٣ ڕۆژه‌ له‌لایه‌ن ئیداره‌ی ئیتلاعاته‌وه‌ ده‌ستبه‌سه‌ر و چاره‌نووسی به‌ ناڕوونی ماوه‌ته‌وه‌.

خه‌بات ئیراندووست ڕۆژی چوارشه‌ممه‌ ١١ی ڕه‌زبه‌ری ١٤٠٣، له‌ هێرشی هێزه‌كانی ڕژیم بۆ سه‌ر شوێنی كاره‌كه‌ی له‌ شاری بۆكان ده‌ستبه‌سه‌ر و بۆ شوێنێكی نادیار ڕاگوێزرا. له‌ ماوه‌ی ١٣ ڕۆژی ڕابردوودا، به‌دواداچوونی بنه‌ماڵه‌ی ئه‌و به‌ندكراوه‌ ئاكامێكی نه‌بووه‌ و زانیارییه‌ك له‌سه‌ر هۆكاری به‌ندكران و شوێنی ڕاگیرانی له‌به‌رده‌ست دا نییه‌.