13
ڕێكخراوی “سی.پی.تی” ڕۆژی سێشه‌ممه ٨ی خه‌ه‌زه‌ڵوه‌ر ڕاپۆرتێكی له‌سه‌ر بۆردوومانه‌كانی هه‌رێمی كوردستان له‌لایه‌ن ده‌وڵه‌تی توركیاوه بڵاو كرده‌وه و ڕایگه‌یاند كه له سه‌ره‌تای ئه‌مساڵه‌وه تا به ئه‌مڕۆ، ١٧ هاووڵاتی گیانیان له‌ده‌ست داوه.
كامه‌ران عوسمان ئه‌ندامی تیمی كوردستانی ڕێكخراوی “سی.پی.تی” له ووتووێژ له‌گه‌ڵ ڕووداو دا ڕایگه‌یاند: له ٩ مانگی ڕابردوودا، هه‌زار و ٦٠٠ جار باكووری هه‌رێمی كوردستان له‌لایه‌ن ده‌وڵه‌تی توركیاوه بۆردوومان كراوه و له ئه‌نجامی هێرشه‌كانی ئه‌و وڵاته، به‌لانیكه‌م ١٧ كه‌س گیانیان له‌ده‌ست داوه و چوار هاووڵاتی بریندار بوون. شایانی باسه كه له یه‌ك حه‌فته‌ی ڕابردوودا، به‌رزایه‌كانی گاڕه له پارێزگای دهۆك ٢٧ جار به چڕی بۆردوومان كراوه و ده‌یان گوند چۆڵ كراون.
