15
په‌ره‌ستاران و كادری ده‌رمان ڕۆژی یه‌كشه‌ممه ١٣ی خه‌زه‌ڵوه‌ر، له شاره‌كانی مه‌شهه‌د، یه‌زد و شووش دژ به دۆخی خراپی پیشه‌یی و مه‌عیشه‌تی كۆبوونه‌وه.
په‌ره‌ستاران هاوكات له‌گه‌ڵ بایكۆت كردنی مه‌راسیمه حكوومه‌تیه‌كانی ڕۆژی په‌ره‌ستار، به كۆبوونه‌وه له نێو مه‌حه‌وه‌ته‌ی نه‌خۆشخانه‌كان خوازیاری چوونه‌سه‌ره‌وه‌ی ته‌عرفه‌ی په‌ره‌ستاری، كه‌مكردنی ساعه‌تی كار، پێدانی حه‌قده‌ست و مه‌زایا دواخراوكان، ته‌زمینی ئه‌منیه‌تی پیشه‌یی، پێدانی كارانه، وه‌لانانی ئیزافه‌كاری، دامه‌زراندنی هێزی كاری نوێ و ڕێگری له كۆچ كردنی كادری ده‌رمان بۆ ده‌ره‌وه‌ی وڵات بوون. به پێی ئاماری وه‌زاره‌تی بێهداشتی ڕژیم، له ماوه‌ی یه‌ك ساڵی ڕابردوودا، هه‌زار و ٥٠٠ په‌ره‌ستار كاره‌كانیان به‌جێ هێشتووه و ٥٠٠ په‌ره‌ستار بۆ ده‌ره‌وی وڵات كۆچیان كردووه.
